بطلى تفرسينى يا فتكات

فتكات صاحبتى من اولى ثانوى
واعرفها من 5 ابتدائى
بس لو تبطل تفرس فيا كنت ادعيلها واقولها
يكسبك ويربحك يسترك ما يفضحك
بس خسارة فيها الدعوة لان بسببها بقيت مفروسة
احب احكى ليكم شوية عنواين الموضوعات اللى هحكيلكم عنها بعدين
1-فتكات اتخطبت قبل منى اتخطبت وهى فى 3ثانوى واصبح كل كلامها معايا تلقيح كلام على انها اتخطبت وانا لسة
2-فتكات دايما تتكلم بالفلوس يعنى انا جبت طقم جديد ب400 جنية وهو انا سالتها هو بكام اصلا؟ بس هى على طول كدة
3-انا اتخطبت بعدها تقوم مش عارفة تحاول تغظنى ازاى بعد ما اتخطبت متقدرش تتمنظر عليا بخطوبتها تقعد دايما تحاول تلقح بالكلام على انى لسة مخلصتش جهازى وانا مخطوبه ايامها من 3شهور بس وهى مخطوبة من 3سنين
4-دايما تحاول تعايب على اى حاجة انا بعملها واى حاجة حلوة معايا لما خلاص هتفرسنى
5-من يوم ما اتخطبنا انا وهى وهى تقعد تحاول تمارس هوايتها فى حرق دم الناس وتقعد تتكلم وتقول قدام غلبانة صاحبتنا اللى هى مش مخطوبة انا وانتى مخطوبين زى بعض هقولك على حاجة بس لما غلبانة تكبر يعنى بتضايق غلبانة بالحداقة وانا مش بيعحبنى الاسلوب دة
6-بتحرج الناس بالذوق يعنى لو عاوزة تستلف اى حاجة تخليك متقدرش تقول لا ولا يمكن تحافظ على حاجة استلفتها

7-بتشتم فى خطيبها دايما من وراه وهى مش تستاهله لانه طيب اوى اكتر منها

بس يا سيدى ويا ستى هى دى البداية والبوستات هتنزل ورا بعضها قريب انشاء اللى بس انا لسة فى مرحلة اعداد افكارى للنشر فى البلوج

يعنى يرضيكم اللى هى بتعملو فينا دة

للمفروسين فقط:قولولى رايكم اية